अन्न शिजवल्या हातांना
प्रतिक्रियेची आस असते...
आला घास
पोटात कोंबल्यासारखे
चुळा भरायला
मागे वळलेले हात
अन्न शिजवल्या
हातांचे कष्ट-
धूण्यातले
सोलण्यातले
किसण्यातले
वाफवण्यातले
भाजण्यातले
वाटण्याले
लाटण्यातले
तळण्यातले
आनंदाने फुलून
चेहऱ्यावर ठेवलेल्या
स्मित हास्याने
भूकेल्या पोटी
वाढण्यातले
कधीच न वाटलेले...
कष्ट!
जाणवून देत असतात...
प्रतिक्रिया न देता
सुधारण्यातला वाव
काढून टाकत
चवीतली चव
कमी करत
भूक मारणारे
करंटे बनून मागे फिरणारे
भुक्कड हात!
कारण,
अन्न शिजवल्या हातांना
प्रतिक्रियेची आस असते...
कोणत्याही टिप्पण्या नाहीत:
टिप्पणी पोस्ट करा